ស្រុកកំពង់សៀម៖នៅរសៀល ថ្ងៃទី១៣ ខែឧសភា ឆ្នាំ២០២៣ ឯកឧត្តម លី ថៃហាក់ ទីប្រឹក្សាក្រសួងកសិកម្ម រុក្ខាប្រមាញ់ និងនេសាទ និងជាអនុប្រធានក្រុមការងាររាជរដ្ឋាភិបាលចុះជួយមូលដ្ឋាន ស្រុកកំពង់សៀម តំណាងដ៍ខ្ពង់ខ្ពស់ ឯកឧត្ដម វេង សាខុន និងលោកជំទាវ បានរួមនិមន្តដោយព្រះមន្ត្រីសង្ឃសាលាអនុគណស្រុកកំពង់សៀម បានអញ្ជេីញសំណេះសំណាល សួរសុខទុក្ខ និងពាំនាំអំណោយមនុស្សធម៍មកផ្តល់ជូនដល់បងប្អូនប្រជាពលរដ្ឋដែលជួបការលំបាក និងខ្វះខាតលេីជីវភាពប្រចាំថ្ងៃ ចំនួន២០គ្រួសារ ដែលរស់នៅក្នុងឃុំអំពិល ស្រុកកំពង់សៀម ខេត្តកំពង់ចាម។
អំណោយមនុស្សធម៍ដែលត្រូវផ្តល់ជូនគ្រួសារជួបការលំបាកនិងខ្វះខាត ចំនួន២០គ្រួសារ ក្នុងឃុំអំពិល ស្រុកកំពង់សៀម រួមមាន៖ អង្ករ២៥គីឡូក្រាម, មីមួយកេស,ទឹកត្រីមួយយួរ, ទឹកស៊ីអ៉ីវមួយយួរ, ត្រីខមួយយួរ និងថវិកា៥០០០០រៀល៕
