នៅព្រឹកថ្ងៃទី៤ ខែកក្កដា ឆ្នាំ២០២១ ៖ ក្នុងគោលបំណងពង្រឹងសមត្ថភាព យុវជន KCY លេីការសរសេរ ការចែករំលែកព័ត៌មានដោយមានប្រភពច្បាស់លាស់ មានក្រមសីលធម៌ វិជ្ជាជីវៈ និងផលប៉ះពាល់នៃព័ត៌មានក្លែងក្លាយដែលត្រូវជៀសសវាង លោក ស្រី សុភ័ក្ត្រ ប្រធានក្រុមការងារយុវជនគណបក្សខេត្តកំពង់ចាម បានអញ្ជើញ លោក វណ្ណ សុគន្ធា អ្នករាយការណ៍វិទ្យុបារាំងអន្តរជាតិ (RFI) ផ្ដល់បទបង្ហាញ ក្នុងវគ្គបំពាក់បំប៉នខ្លី អំពីគន្លឹះសរសេរព័ត៌មាន ក្រមសីលធម៌ វិជ្ជាជីវៈ និងផលប៉ះពាល់អំពីព័ត៌មានក្លែងក្លាយដែលត្រូវជៀសវាង ជូនដល់ សមាជិក សមាជិកា យុវជន KCY តាមបណ្តាក្រុង-ស្រុកចំនួន ០៥ ក្រុង/ស្រុក ៖ ស្រុកកោះសូទិន ស្រុកជេីងព្រៃ ស្រុកកំពង់សៀម ស្រុកស្រីសន្ធរ និង ក្រុងកំពង់ចាម សរុប ៣១ នាក់ ដែលមានរយៈពេល ១ព្រឹក។
ក្នុង.ឱកាសនោះ លោក ស្រី សុភ័ក្ត្រ ប្រធានក្រុមការងារយុវជនគណបក្សខេត្ត បានថ្លែងអំណរគុណយ៉ាងជ្រាលជ្រៅបំផុត ជូនចំពោះចំពោះលោក វណ្ណ សុគន្ធា ដែលបានចំណាយពេលវេលាដ៏មានតម្លៃ ក្នុងការចូលរួមចែករំលែក នូវចំណេះដឹងផ្នែកសរសេរព័ត៌មាន និងក្រមសិលធម៌ ដល់ក្រុមសកម្មជនយុវជនបណ្ដាញសង្គមKCY បានប្រើប្រាស់សម្រាប់បម្រើជាប្រយោជន៍សង្គមជាតិ និងរួមគ្នាបំបាត់នូវព៌ត៌មានក្លែងក្លាយ ដែលធ្វើឲ្យមានភាពច្របូកច្របល់ក្នុងសង្គម ។
ពិធីនេះប្រព្រឹត្តទៅក្នុងបរិយាកាសសោមនស្សរីករាយ និងទទួលបាលលទ្ធផលគួរជាទីកត់សំគាល់ ។
