នៅព្រឹកថ្ងៃទី១១ ខែមិថុនា ឆ្នាំ២០២១ ឯកឧត្តម ហេង វណ្ណនី អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណៈអភិបាលខេត្ត និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ រួមជាមួយ លោកប្រធានមន្ទីរពាក់ព័ន្ធ និងអាជ្ញាធរមូលដ្ឋាន បានអញ្ជើញចុះពិនិត្យទីតាំង ត្រៀមការចាក់វ៉ាក់សាំងការពារជំងឺកូវីដ-១៩ នៅស្រុកព្រៃឈរ ចំនួន ១៥ កន្លែង។ បន្ទាប់ពីការអញ្ជើញចុះពិនិត្យជាក់ស្តែង ទីតាំង ទាំង១៥ កន្លែង ត្រូវបានក្រុមការងារឯកភាពគ្នា និងត្រូវគោរពស្នើសុំគោលការណ៍សម្រេចពីឯកឧត្តមអភិបាលខេត្ត ដើម្បីត្រៀមរៀបចំការចាក់វ៉ាក់សាំង ជូនប្រជាពលរដ្ឋ ។
នៅពេលរសៀលថ្ងៃដដែរ ឯកឧត្តមអភិបាលរងខេត្ត និងលោកប្រធានមន្ទីរសុខាភិបាលនៃរដ្ឋបាលខេត្ត រួមនឹងអាជ្ញាធរស្រុកស្រីសន្ធរ បានអញ្ជើញចុះពិនិត្យ មណ្ឌលចត្តាឡីស័ករបស់រដ្ខបាលស្រុកសហរីសន្ធរ ចំនួន ០២កន្លែងនៅវិទ្យាល័យស្រីសន្ធរ និងនៅអនុវិទ្យាល័យ ប្រាំយ៉ាម។ ក្នុងឱកាសនោះមាឌការចុះពិនិត្យ ឯកឧត្តមអភិបាលរងខេត្ត បានផ្តាំផ្ញើ និងសាកសួរសុខទុក្ខ ពីសំណាក់ ឯកឧត្តម អភិបាលខេត្តជូនបងប្អូនប្រជាពលរដ្ឋដែលកំពុងធ្វើចត្តាឡីស័កនៅក្នុងទាំងពីរមណ្ឌល។ ឯកឧត្តម បានណែនាំឲ្យបងប្អូនប្រជាពលរដ្ឋដែលកំពុងធ្វើចត្តាឡីស័ក ត្រូវគោរព ការណែនាំរបស់អាជ្ញាធរ និង វិធានសុខាភិបាល ដើម្បីកុំឲ្យមានការឆ្លងជំងឺ ក្នុងមណ្ឌល ជាពិសេស ត្រូវរក្សាអនាម័យ ពាក់ម៉ាស រក្សាគម្លាត និង លាងសំអាតដៃ ឱ្យបានញឹកញាប់។
![](https://scontent.fpnh1-2.fna.fbcdn.net/v/t1.6435-9/198829886_969593713808960_5759786613866749076_n.jpg?_nc_cat=108&ccb=1-3&_nc_sid=8bfeb9&_nc_ohc=5a7XV-cqiaAAX8GLv4_&tn=qjjBwoYXl70e-FB0&_nc_ht=scontent.fpnh1-2.fna&oh=8a22d241831202fef201881d2fc686f6&oe=60C8F60B)
![](https://scontent.fpnh1-2.fna.fbcdn.net/v/t1.6435-9/194469713_969593820475616_6034122841029551374_n.jpg?_nc_cat=111&ccb=1-3&_nc_sid=8bfeb9&_nc_ohc=rlxV3YiOHYoAX-Y_zOS&_nc_ht=scontent.fpnh1-2.fna&oh=df2a3aac1c1baec33a5f69ab927a9c4e&oe=60C97FEE)
![](https://scontent.fpnh1-2.fna.fbcdn.net/v/t1.6435-9/192394650_969593847142280_9033803294600182738_n.jpg?_nc_cat=109&ccb=1-3&_nc_sid=8bfeb9&_nc_ohc=F8dw451qfyQAX9yjqEr&tn=qjjBwoYXl70e-FB0&_nc_ht=scontent.fpnh1-2.fna&oh=60c431c384260e8d2b16a82319e3e9a8&oe=60C833B0)
![](https://scontent.fpnh1-1.fna.fbcdn.net/v/t1.6435-9/192622268_969593887142276_8049891922833968825_n.jpg?_nc_cat=107&ccb=1-3&_nc_sid=8bfeb9&_nc_ohc=TmPjDnbN6EIAX9QV2Iu&_nc_ht=scontent.fpnh1-1.fna&oh=52da849b9637b06fe84cd6f0041fe208&oe=60C8C21E)