នៅរសៀល ថ្ងៃទី២៨ ខែសីហា ឆ្នាំ២០១៩ ឯកឧត្តម ញ៉ែម វ៉ាលី រដ្ឋលេខាធិការ ក្រសួងធម៌ការ និងសាសនា និងជាអគ្គលេខាធិកាក្រុមប្រឹក្សាជាតិរណសិរ្សសាមគ្គីអភិវឌ្ឍមាតុភូមិកម្ពុជា នឹងឯកឧត្ដម អ៊ុន ចាន់ដា អភិបាលខេត្តកំពង់ចាម បានដឹកនាំមន្ត្រីជំនាញ និងមន្ទីរពាក់ព័ន្ធចុះពិនិត្យការសាងសង់កែលំអរសួនច្បារ ក្នុងការកសាងកែលម្អរសួនច្បារដែលនៅតាមបណ្តោយចាប់ពីគល់ស្ពានគីហ្សូណា រហូតដល់ស្តូបមិត្តកម្ពុជាវៀតណាម តាមមាត់ទន្លេនៅក្រុងកំពង់ចាម។
សួនច្បារដែលកំពុងចាប់កសាងឡេីងនេះ គឺមានលក្ខណៈពិសេសដល់បងប្អូនប្រជាពលរដ្ឋដែលតែងតែដេីរហាត់ប្រាណ ដេីរកម្សាន្ត និងមានកន្លែងអង្គុយអានសៀវភៅ កន្លែងក្មេងលេងសម្រាប់កុមារតូចៗ និងមានកន្លែងប្រគុំតន្រ្តីរាំលេងកម្សាន្តបែបហាត់ប្រាណ ផងដែរ។ នឹងមានបំពាក់ភ្លេីង ដាំដេីមឈេីលំអសួនច្បារ ដេីម្បីទាក់ទាញភ្ញៀវទេសចរណ៍មកទស្សនា និងមកកម្សាន្តខេត្តកំពង់ចាម ប្រកបដោយភាពសុខសប្បាយ និងរីករាយ ។ សួនច្បារដែលកំពុងសាងសងនេះ មានកន្លែងអង្គុយលេង តាមទៀតផង ដូចជា វ័យចំណាស់ យុវជន និងក្មេងៗតូចផងដែរ។
តាមអ្នកគូសប្លង់សួនច្បារមួយនេះបានឲ្យដឹងថា ក្រុមជាងបានកសាងប្រមាណជាង៥០ភាគរយមកហេីយ ក្នុងគម្រោងកែលម្អសួនច្បារមាត់ទន្លេក្រុងកំពង់ចាម ចាប់ពីគល់ស្ពានគីហ្សូណា ដល់ស្តូបមិត្តភាពកម្ពុជា-វៀតណាម ដែលមានប្រវែង ២៣២ម៉ែត្រ ទទឹង៥៥ម៉ែត្រនិង២៣ម៉ែត្រ ក្នុងឆ្នាំ២០១៩នេះ។
