ថ្ងៃទី០៤ ខែកុម្ភៈ ឆ្នាំ ២០១៧ ឯកឧត្តម លន់ លឹមថៃ អភិបាលនៃគណៈអភិបាលខេត្តកំពង់ចាម និងលោកជំទាវ អមដំណើរដោយ អភិបាលរងខេត្ត ប្រធានមន្ទីរអង្គភាជុំវិញខេត្ត ក្រុមប្រឹក្សា និង គណៈអភិបាលស្រុកព្រៃឈរ និងក្រុមប្រឹក្សាឃុំក្រូច បានអញ្ជើញជាអរិបតីភាពក្នុងពិធី សម្ពោធឆ្លងរូបបដិមាព្រះអង្គធំ និងសមិទ្ធិផលនានា នៅវត្តប្រាសាទទឹកឆា ឃំុក្រូចស្រុកព្រៃឈរខេត្តកំពង់ចាម ដោយមានការអញ្ជើញចូលរួមពីសំណាក់ប្រជាពលរដ្ឋ ចំនួន960នាក់ស្រី412នាក់។
មានប្រសាសន៍សំណេះសំណាលទៅកាន់ប្រជាពលរដ្ឋនាឱកាសនោះ ឯកឧត្តម លន់ លឹមថៃ បានថ្លែងអំណរគុណចំពោះ លោក ចេងកុក ម៉េង និងភរិយា សប្បុរសជននៅសហរដ្ឋអាមេរិក ដែលបានខិតខំគៀងគរថវិកាមកកសាងសមិទ្ធផលនៅទីវត្តទឹកឆាដែលមានតម្លៃរហូតដល់២៥ម៉ឺនដុល្លា ។ ឯកឧត្តម លន់ លឹមថៃ ក៏បានលើកឡើងនូវការរីកចម្រើននៃសមិទ្ធផលជាច្រើន ដែលបានលេចត្រដែតឡើងក្រោមការដឹកនាំរបស់ប្រមុខរាជរដ្ឋាភិបាល សម្ដេច តេជោ ហ៊ុន សែន ដែលនាំមកនូវការផ្លាស់ប្ដូរយ៉ាងជ្រាលជ្រៅក្នុងជីវភាពរស់នៅរបស់ប្រជាពលរដ្ឋ ទាំងផ្នែកស្មារតី និងសម្ភារៈ ។ ឯកឧត្តម ក៏បានគូសបញ្ជាក់ទៀតថា ៖ សមិទ្ធផលទាំងអស់នេះគឺបានមកដោយសារប្រទេសយើងមានសុខសន្តិភាព ដែលកើតចេញពីការដឹកនាំដ៏ត្រឹមត្រូវ របស់ប្រមុខដឹកនាំកំពូលរបស់យើង គឺសម្ដេចតេជោហ៊ុន សែន ដែលមានទស្សនៈវិស័យត្រឹមត្រូវ និងភ្លឺស្វាង…ដូច្នេះយើងត្រូវតែថែរក្សាឲ្យបាននូវសុខសន្តិភាពឲ្យគង់វង់ដើម្បីអនាគតកូនចៅ និងប្រទេសជាតិយើង កុំឲ្យមជ្ឈដ្ឋានអគតិណាមួយបំផ្លិចបំផ្លាញបានឡើយ ។
នៅក្នុហឱកាសនោះក៏មានការចែកអំណោយជូនប្រជាពលរដ្ឋដែលបានចូលរួម ក្នុងម្នាក់ៗទទួលបាន ភួយមួយ ។
