ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត កំពង់ចាម អញ្ជើញជួបប្រជុំពិភាក្សាការងារជា​មួយ​ប្រតិភូ​ក្រសួង​ផែនការ​ ដែលដឹកនាំ​ដោយ​ឯកឧត្ដម រិន វីរៈ រដ្ឋលេខាធិការ​ប្រចាំការ ក្រសួងផែនកា នៅសាលាខេត្តកំពង់ចាម


កំពង់ចាម៖ នៅថ្ងៃទី១៣ ខែកុម្ភៈ ឆ្នាំ២០២៣នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត កំពង់ចាម អញ្ជើញជួបប្រជុំពិភាក្សាការងារជា​មួយ​ប្រតិភូ​ក្រសួង​ផែនការ​ ដែលដឹកនាំ​ដោយ​ឯកឧត្ដម រិន វីរៈ រដ្ឋលេខាធិការ​ប្រចាំការ ក្រសួងផែនកា នៅសាលាខេត្តកំពង់ចាម។
កិច្ចប្រជុំមានគោលបំណង​ ដើម្បីសិក្សាប្រមូលធាតុចូលក្នុងការរៀបចំកែសម្រួលកម្មវិធីសិក្សា និងកម្មវិធីបណ្តុះបណ្តាលដើម្បីឱ្យឆ្លើយតបទៅនឹងតម្រូវការនៃជំនាញចាំបាច់សម្រាប់ការអភិវឌ្ឍនៅថ្នាក់ក្រោមជាតិ។
ក្នុងឱកាសនោះ ឯកឧត្ដម​អភិបាល​នៃ​គណអភិបាល​ខេត្ត បានសម្តែងការស្វាគមន៍យ៉ាងកក់ក្តៅដល់ប្រតិភូក្រសួងផែនការ និងបានស្នើសុំ​អោយ​សាលាជាតិ​ផែនការ និង​ស្ថិតិ ចេញ​សេចក្តី​ណែនាំ​រួម​ជាមួយ​ក្រសួង​មហាផ្ទៃ ក្នុង​ការជ្រើសរើស​មន្ត្រី​ចូលសិក្សា។
គូរបញ្ជាក់ផងដែរថា សាលា​ជាតិ​ផែនការ គ្រោងផ្តល់​អាហារូបករណ៍​ជូន​ដល់មន្ត្រី​រាជការថ្នាក់​ក្រោមជាតិ ពិសេស​មន្ត្រី​រាជការនៃមន្ទីរ​ផែនការ និង​រដ្ឋបាល​ខេត្ត​ផងដែរ។