រសៀល ថ្ងៃ ទី ៦ ខែ កក្កដា ឆ្នាំ ២០២១ ៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមខេត្ត អមដោយឯកឧត្តម លោកជំទាវ អភិបាលរងខេត្ត, មន្ទីរ-អង្គភាពជុំវិញខេត្ត, អាជ្ញាធរមូលដ្ឋាន និងមន្ត្រីពាក់ព័ន្ធ អញ្ជើញចុះសួរសុខទុក្ខ និងនាំយកអំណោយមនុស្សធម៌ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់ប្រជាពលរដ្ឋរងគ្រោះដោយខ្យល់កន្ត្រាក់ចំនួន ៦៦ គ្រួសារ នៅ ឃុំសូភាស ស្រុកស្ទឹងត្រង់ ។
ហេតុការណ៍នេះបានកើតឡើងកាលពីល្ងាចថ្ងៃទី ៤ ខែកក្កដា ឆ្នាំ២០២១ ពេលមេឃកំពុងភ្លៀងធ្លាក់ខ្លាំងក៏ស្រាប់តែមានខ្យល់កន្ត្រាក់បក់គួចធ្វើអោយផ្ទះ ៦៦ខ្នង រងការខូចខាត ដោយមានការដួលរលំ របើកសង្កសី ហ្វីប្រូ និងរបើកក្បឿង។ល។
ឯកឧត្តម អ៊ុន ចាន់ដា បានចូលរួមសោកស្តាយជាពន់ពេកជាមួយគ្រួសាររងគ្រោះ ចំពោះឧប្បត្តិហេតុដែលវានកើតឡើងដោយស្មានមិនដល់នេះ ដែលបង្កអោយមានការខូចខាតដល់លំនៅដ្ឋានរបស់បងប្អូន ហើយឯកឧត្តម បានពាំនាំនូវប្រសាសន៍ផ្ដាំផ្ញើសួរសុខទុក្ខដោយក្តីអាណិតអាសូរ ពីសំណាក់ ឯកឧត្តម ហ៊ុន ណេង ប្រធានកិត្តិយសសាខា ជាពិសេស សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្តេចតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋរងគ្រោះ និងងាយរងគ្រោះ ដោយមិនប្រកាន់វណ្ណៈ ជំនឿសាសនា ឬនិន្នាការនយោបាយអ្វីឡើយ ហើយសម្ដេចតែងបានចាត់តំណាងចុះអន្តរាគមន៍ផ្តល់ជំនួយសង្រ្គោះ ដើម្បីជួយសម្រាលទុក្ខលំបាករបស់ប្រជាជន ឲ្យបានទាន់ពេលវេលា តាមទិសស្លោក “ ទីណាមានទុក្ខលំបាក ទីនោះមានកាកបាទក្រហមកម្ពុជា ” ។
ក្នុងឱកាសនោះ ឯកឧត្តម អភិបាលខេត្ត និងជាប្រធានគណៈកម្មាធិការសាខា បានអំពាវនាវដល់ប្រជាពលរដ្ឋទាំងអស់ អោយបង្កើនការប្រុងប្រយ័ត្នអោយបានទ្វេដងជាងមុន ក្នុងការថែទាំសុខភាពផ្ទាល់ខ្លួន ហើយចូលរួមទប់ស្កាត់ការឆ្លងរាលដាល នៃវីរុសបម្លែងថ្មី កូវីដ-១៩ ដោយត្រូវអនុវត្តវិធានការសុខាភិបាល “៣កុំ ៣ការពារ”អោយបានខ្ជាប់ខ្ជួន ជាប្រចាំ ។
អំណោយមនុស្សធម៌ដែលបានផ្ដល់ជូនពលរដ្ឋរងគ្រោះ ក្នុងឱកាសនោះមាន៖ ១គ្រួសារ ទទួលបាន ៖ អង្ករ ២៥គីឡូក្រាម , មី ១កេស ,ទឹកត្រី ១យួរ ,ទឹកសុីអុីវ ១យួរ ត្រីខ ១០កំប៉ុង, ឃីត ១ និង អាវយឺតចំនួន ៤ ។
ដោយឡែក ចំពោះថវិកា ក៏បានផ្តល់ជូន តាមទំហំខូចខាត គឺ អ្នកដែលរងការខូចខាតធ្ងន់ ៩គ្រួសារ ផ្តល់ជូនក្នុង ១គ្រួសារចំនួន ៣០០,០០០ រៀល ហើយ អ្នកដែលរងការខូចខាតស្រាល ៥៧គ្រួសារទៀត មួយគ្រួសារ ទទួលបាន ១០០,០០០ រៀល ។
ជាមួយនោះ ឯកឧត្តម ហ៊ុន ណេង ក៏បានចាត់អោយ តំណាង នាំយកសម្ភារ អំណោយ ផ្តល់ជូន បងប្អូនរងគ្រោះ ទាំង ៦៦គ្រួសារ ក្នង ១គ្រួសារ ទទួលបាន អង្ករ ១០គក្រ, មី ១កេស, ទឹកស៊ីអ៊ីវ ១យួរ និង ថវិកា ១៣០,០០០ រៀល ផងដែរ៕
![](https://scontent.fpnh1-1.fna.fbcdn.net/v/t1.6435-9/p843x403/211144947_1278282165924069_4586214799320089798_n.jpg?_nc_cat=100&ccb=1-3&_nc_sid=8bfeb9&_nc_ohc=eYoPrPQPEMAAX9URP3n&_nc_ht=scontent.fpnh1-1.fna&tp=6&oh=4666c34a57089e5e23777290fe2a897b&oe=60E99071)
![](https://scontent.fpnh1-1.fna.fbcdn.net/v/t1.6435-9/p960x960/206858674_1278282262590726_8741925895356540692_n.jpg?_nc_cat=105&ccb=1-3&_nc_sid=8bfeb9&_nc_ohc=1gJjmn5V36gAX-sL4-Z&_nc_ht=scontent.fpnh1-1.fna&tp=6&oh=e7d38e250029edf890c8a97a4921799d&oe=60E90CE5)
![](https://scontent.fpnh1-2.fna.fbcdn.net/v/t1.6435-9/p960x960/211235512_1278282302590722_3053267303325685662_n.jpg?_nc_cat=111&ccb=1-3&_nc_sid=8bfeb9&_nc_ohc=8Of1da577swAX_2ESfD&tn=qjjBwoYXl70e-FB0&_nc_ht=scontent.fpnh1-2.fna&tp=6&oh=4d20feeedbf47726efeec9922ffd4b99&oe=60E8D0E0)
![](https://scontent.fpnh1-1.fna.fbcdn.net/v/t1.6435-9/202507754_1278282359257383_2690891444350032521_n.jpg?_nc_cat=107&_nc_rgb565=1&ccb=1-3&_nc_sid=8bfeb9&_nc_ohc=ugMElVQIEvYAX_16CrP&_nc_ht=scontent.fpnh1-1.fna&oh=3baeb4ea1f5d892aab97c2af842fa64b&oe=60E9FA3B)
![](http://www.kampongcham.org.kh/wp-content/uploads/sites/10/2021/07/កាកបាទ-១២-300x234.jpg)
![](http://www.kampongcham.org.kh/wp-content/uploads/sites/10/2021/07/កាកបាទ-១៣-2-300x200.jpg)