ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្តម ហោ ប៉េង ប្រធានក្រុមការងាររាជរដ្ឋាភិបាល ចុះជួយឃុំបារាយណ៍ ស្រុកកងមាស អញ្ជើញជាអធិបតីភាពក្នុងពិធីបើកការដ្ឋានកសាងផ្លូវបេតុង ប្រវែង ៤ ៦០០ម៉ ស្ថិតនៅភូមិបារាយណ៍ ឃុំបារាយណ៍ ស្រុកកងមាស ខេត្តកំពង់ចាម


ថ្ងៃ ទី២២ ខែមិថុនា ឆ្នាំ ២០២១ ៖ សមិទ្ធផលថ្មីមួយទៀតដែលជាចំណងដៃដ៏ថ្លៃថ្លារបស់រាជរដ្ឋាភិបាលកម្ពុជា តាមរយៈរដ្ឋបាលខេត្តកំពង់ចាម នឹងលេចជារូបរាងឡើងនៅក្នុងភូមិសាស្រ្តឃុំរាយប៉ាយ ស្រុកកងមាស គឺផ្លូវបេតុងអាមេ ០២ខ្សែ ប្រវែងជាង ១០Km ដោយខ្សែទី ០១ត្រូវបានបើកការដ្ឋានកសាងនាពេលនេះមានប្រវែង ៤,៦០០ម៉ែត្រ ហើយគ្រឿងចក្រខាងលើនឹងបន្តកសាងផ្លូវខ្សែទី០២ជាបន្ត មានប្រវែង ៦,៧០០ម៉ែត្រ។
ការថ្លែងបែបនេះត្រូវបាន ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម លើកឡើង ខណៈឯកឧត្តមអភិបាលខេត្តអញ្ជើញជាគណៈអធិបតីក្នុងពិធីបើកការដ្ឋានកសាងផ្លូវបេតុងអាមេន០១ខ្សែ ប្រវែង៤,៦០០ ម៉ែត្រ ស្ថិតនៅក្នុងភូមិរាយប៉ាយក្រោម ឃុំរាយប៉ាយ ស្រុកកងមាស ខេត្តកំពង់ចាម។
ពិធីនេះក៏បានការអញ្ជើញចូលរួមជាគណៈអធិបតីពីសំណាក់ ឯកឧត្ដម ហោ ប៉េង ប្រធានក្រុមការងាររាជរដ្ឋាភិបាលចុះជួយឃុំរាយប៉ាយ ស្រុកកងមាស តំណាងដ៏ខ្ពង់ខ្ពស់ឯកឧត្តមបណ្ឌិត ហង្សជួន ណារ៉ុន ប្រធានក្រុមការងាររាជរដ្ឋាភិបាលចុះជួយស្រុកកងមាស និង ដោយមានការចូលរួមពីសំណាក់ ក្រុមការងាររាជរដ្ឋាភិបាលចុះជួយស្រុកកងមាស, ចុះជួយឃុំរាយប៉ាយ, ថ្នាក់ដឹកនាំ-មន្ត្រីរាជការសាលាខេត្ត, ថ្នាក់ដឹកនាំមន្ទីរ- ស្ថាប័នជុំវិញខេត្ត, អាជ្ញាធរមូលដ្ឋាន, តំណាងក្រុមហ៊ុនទទួលការ និងមន្ត្រីពាក់ព័ន្ធមួយចំនួន។ (ប្រភពីចៅ វង្ស I.K.Team.)