កាលពីថ្ងៃទី ២៤ ខែ មិថុនា ឆ្នាំ ២០១៥នេះ ឯកឧត្តម លន់ លឹមថៃ អភិបាលខេត្តកំពង់ចាម បានធ្វើជាអធិបតី ក្នុងពិធីសម្ពោធបើកការដ្ឋានស្ថាបនាផ្លូវក្រាលគ្រួសក្រហម ១ ខ្សែប្រវែង ២០០០ ម៉ែត្រ បន្តពីផ្លូវចាស់ប្រវែង ៣៥០០ម៉ែត្រ ដែល បានស្ថាបនារួចហើយក្នុងពេលកន្លងមក ដែលឥឡូវនេះ សរុបគឺបានប្រវែង ៥ ៥០០ ម៉ែត្រ ។ សមិទ្ធិផលថ្មីៗបន្ថែមជាបន្តបន្ទាប់ទៀតនេះ គឺជាអំណោយដ៏ថ្លៃថ្លារបស់រាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃ របស់គណបក្សប្រជាជនកម្ពុជា ជាពិសេស សម្តេចអគ្គមហាសេនាបតី តេជោ ហ៊ុន សែន ជាចំណងដៃជូនដល់ ប្រជាពលរដ្ឋ ដែលរស់នៅក្នុង ភូមិ ព្រៃរំដេង ឃុំបារាយណ៍ ស្រុកព្រៃឈរ ខេត្តកំព ង់ចាម ។
