នៅរសៀល ថ្ងៃទី១២ ខែសីហា ឆ្នាំ២០១៩ រដ្ឋបាលខេត្តកំពង់ចាម មានកិច្ចប្រជុំពិភាក្សាការងារ ការពារ សន្តិសុខសុវត្ថិភាព សណ្តាប់ធ្នាប់ នៅពេលប្រលង សញ្ញាប័ត្រ មធ្យមសិក្សាទុតិយភូមិ ឆ្នាំ២០១៩ ចំណេះទូទៅ និងបំពេញវិទ្យា ក្រោមអធិបតីភាព ឯកឧត្តម អ៊ុន ចាន់ដា អភិបាលខេត្ត កំពង់ចាម និង ឯកឧត្តម ឡៅ ឈាវអ៊ាវ អនុរដ្ឋលេខាធិការ ក្រសួងអប់រំ យុវជន និងកីឡា ដោយមានការអញ្ជេីញចូលរួមពីមន្ទីរ-អង្គភាព ជុំវិញសាលាខេត្ត។
ឯកឧត្ដម អ៊ុន ចាន់ដា អភិបាលខេត្តកំពង់ចាម បានជម្រុញឲ្យកងកម្លាំងសមត្ថកិច្ចចុះពិនិត្យរៀបចំសណ្តាប់ធ្នាប់ ជុំវិញបរិវេណមណ្ឌលប្រលង ដេីម្បីភាពល្អប្រសេីរ សុវត្ថិភាព ជូនបេក្ខជនពេលប្រលង នឹងពេលធ្វេីដំណេីរទាំងទៅទាំងមកកាន់មណ្ឌលប្រលង។
ឯកឧត្ដមបញ្ជាក់ទៀតថា ឆ្នាំនេះគ្មានការចូលរួមពីមន្ត្រី ឬអ្នកស្ម័គ្រចិត្តខាងអង្គភាពប្រឆាំងអំពេីពុករលួយឡេីយ ដូច្នោះស្នេីសុំឲ្យមន្ទីរអប់រំ ចូលរួមសហការរឹតបណ្តឹងក្នុងការត្រួតពិនិត្យប្រេីប្រាស់ឧបករណ៍ដែលក្រសួងអប់រំ យុវជន នឹងកីឡាបានហាមឃាត់ ដូចជា ទូរស័ព្ទ សំណៅឯកសារពាក់ពន្ធ័ គ្រឿងផ្ទុះ -ល- ដេីម្បីធ្វេីយ៉ាងណាឲ្យដំណេីរការក្នុងការប្រលងមធ្យមសិក្សាទុតិយភូមិឆ្នាំ២០១៩ កាន់តែល្អប្រសេីរ។
យោងតាមរបាយការណ៍ ការកំណត់មណ្ឌលប្រលមធ្យមសិក្សាទុតិយភូមិន្ទ ឆ្នាំ២០១៩នេះ នៅក្នុងខេត្តកំពង់ចាម ក្រសួងអប់រំយុវជននិងកីឡា បានចែកចេញពីរថ្នាក់ មានថ្នាក់វិទ្យាសាស្ត្រ មាន៥មណ្ឌល ស្មេីនឹង១២៧បន្ទប់ នឹងថ្នាក់វិទ្យាសាស្ត្រសង្គម មាន៩មណ្ឌល ស្មេីរនឹង២០៩បន្ទប់ ៕
